La batalha de Stonne se debanèt entre lo 15 e lo 27 de mai de 1940 durant la Segonda Guèrra Mondiala. Opausèt leis armadas francesa e alemanda a l'entorn d'aquel vilatge après la batalha de Sedan (12-15 de mai) que permetèt ais Alemands de rompre lo front francés. Entraïnada per una còntra-ofensiva francesa, foguèt lo centre de combats acarnats que causèron de pèrdas fòrça importantas dins lei rengs de la Wehrmacht e lo vilatge foguèt conquistat 17 còps per lei diferenteis armadas. L'ataca francesa representèt una menaça grèva per l'avançada alemanda mai, tròp isolada, foguèt finalament blocada. Lo bilanç de la batalha foguèt important per Alemanha que perdiguèt 26 500 òmes (solament 3 000 tuats) còntra 7 500 òmes per l'armada francesa (environ un milièr de mòrts).
© MMXXIII Rich X Search. We shall prevail. All rights reserved. Rich X Search